Jølster jazzklubb - - ein musikalsk møteplass for dei med øyre


Jazz på Jølst 2017

Jazz på Jølst vert arrangert for åttande gong torsdag 12. oktober til søndag 15.oktober. Set av datoane med det same. Årets artistar: Bendik Hofseth, Vargtime med Gunnar Staalelsen, Never on a Sunday med Ragnhild Furebotten, Monk i 100 med Knut Kristiansen, Significant time, Meg og kammeraten min og elevar frå Firda vidaregåande skule.

Klikk på lenkja Jazz på Jølst 2017 for heile programmet.













Følg oss på facebook!

Stad:

Thon hotel Jølster
Løa Jølstraholmen
Fjøsen
Audhild Vikens vevstove


Tid:

Torsdag 12.oktober: kl. 20.00

Søndag 15.oktober: kl. 13.00






SOMMARJAZZKURS I JØLSTER!

Når:
28. juni til 1. juli 2017 (heimreise 2. juli)

Kvar:
Thon Hotell på Skei i Jølster


Instruktørar: Tor Yttredal – saksofon/treblås, faglig ansvarlig Dag Arnesen – piano Eva Bjerga Haugen – vokal Nina Kristina Linge – gitar Andreas Rotevatn – trombone/messingblås Magne Thormodsæter – bass Øyvind Skarbø – trommer

For fjerde år på rad arrangerer Vestnorsk Jazzsenter Sommarjazzkurs. Formålet er å inspirere fleire, særleg unge, til å bli interessert i og spele improvisert musikk. Men kurset skal også kunne vere ei inspirasjonskjelde for dei som allereie er bevandra i faget. Påmeldte mellom 15 og 25 år har fortrinn om det blir rift om plassane. Det er ein fordel å kunne lese notar og det forventast ein viss instrumenterfaring, men det aller viktigaste er lysta til å spele og lære meir! Undervisninga blir organisert slik at det vil vere noko å bryne seg på uansett nivå.

Praktisk info: Undervisningsstart er onsdag kl. 13:30. Kurset avsluttast med konsert laurdag kveld der både instruktørar og deltakarar deltek. Vi reiser heim søndag. Kurset sørgjer for overnatting også laurdag til søndag. Deltageravgifta er kr 2 500,- og dekkjer undervisning, notar, mat og overnatting. Undervisninga vil finne stad på Thon Hotel på Skei i Jølster. Deltakarane ordnar sjølv med reise og kjem seg til Skei på eiga hand. Bil eller buss er det enklaste. Ta kontakt ved behov for meir info om reisemoglegheiter. Overnatting vil primært vere i fleirsengsrom. Enkeltrom kan truleg skaffast mot eit mellomlegg. Måltida er felles. På kveldane vert det lytting til musikk og jam-sessions for dei som vil vere med. Meld deg på her.

For meir info, kontakt Nina på nina@vestnorskjazzsenter.no / 976 97 424 eller Audun på audun@vestnorskjazzsenter.no / 959 77 187

Sjåast på Skei!






 
 
 
 
 
 
 




Ny leiar i Jølster jazzklubb 


29. januar var det årsmøte i Jølster jazzklubb. Leiar Marit hadde signalisert flytting frå Jølster og - etter å ha vore leiar sida starten i 2010 - bede om avløysing. Men i Jølster jazzklubb har vi lojale og flinke folk, og Hilde Hegrenes, som har vore med nesten sidan starten, stilte til val og vart valt med akklamasjon. Her kan du lese meir om du er interessert (Facebook), og under her er det som stod i Firda Tidend. 


















------------------------------------------------------------------




4. februar 2017: 
Fredrik Saroea Quintet 
kl. 20.00 i Løa på Jølstraholmen



Fredrik Saroea er nok mest kjend som medlem og frontfigur i det ikkje ukjende bandet Datarock. I Fredrik Saroea Quintet viser han seg fram frå ei anna side. Det kan jazzentusiastar i Jølster og omegn gle seg over og til!

Fredrik Saroea Quintet er samansett av eit knippe svært dyktige musikarar og er enkelt sagt eit tributeband til Chet Baker og tolkingane hans av vokalrepertoaret på 50-talet. Bandet starta som kvartett for 14 år sidan og har spelt på NattJazz, Finse Jazz og fleire av jazzklubbane i Bergen. Kvartetten er utvida med Are Ovesen på trompet. 

Bandet er kjent  å skape stor stemning, så no gjeld det berre å spreie ordet!

Fredrik Saroea (vokal)
Bjarne Øymyr (piano)
Alexander Grieg (bass)
Are Ovesen (trompet)
Nils Are Drønen (trommer)

Bill. hos TicketCo eller i døra: 
250 (vaksne)
200 (medlem/student)
50 (under 20 år)



------------------------------------------------------------------


LYST TIL Å JOBBE SOM FRIVILLIG FOR 
JØLSTER JAZZKLUBB? 

Jølster jazzklubb har alltid bruk for nokre frivillige som kan hjelpe til med ein 
del oppgåver, både administrativt og praktisk. Som takk tilbyr vi flotte musikkopplevingar (sjølvsagt gratis når du har jobba), eit supert miljø og entusiastiske ”medarbeidarar”. Er du interessert? Det beste er om du svarer pr. e-post tilbake til 
leiar Marit Hartvedt (mart@mkh.no) og fortel kva du kan tenke deg å hjelpe til med. Sprei gjerne ordet, ein treng ikkje vere medlem av jazzklubben for å jobbe som frivillig. 

Vi håpar å høyre frå mange gode hjelparar, kvar hand og kvart hovud tel. 







Billettavtale med TicketCo

Jølster jazzklubb inngikk i 2014 avtale med billettselskapet TicketCo. TicketCo er ein etter måten ny aktør i den norske billettmarknaden. I løpet av kort tid har dei klart å posisjonere seg som den fremste utfordraren til marknadsleiande Billettservice.  

Sjå etter denne logoen (trykk for å gå til sida): 


 






Våre heilårlege støttespelarar:



Styret i Jølster Jazzklubb for 2017 

Leiar: Hilde Hegrenes
Halvar Helgheim 
Arne Per Huus
Magnus Håheim
Atle Reidar Sandnes
1. vara: Silja Juklestad
2. vara: Anja Gulbrandsen
3. vara: Bård Støfringsdal
 

Website Builder drives av  Vistaprint