Jølster jazzklubb - - ein musikalsk møteplass for dei med øyre

 
 
 
 
 
 
 






JAZZ PÅ JØLST 2016
13.-16. oktober


Gode nyhende for dei som er tilreisande (eller berre vil tilbringe ei helg på Skei Hotel med god musikk, god mat og trivelege omgjevnadar): Spesielle jazzprisar på overnatting og måltid på Thon Hotel Jølster (Skei Hotel)! 

For rombestilling: jolster.booking@thonhotels.no. Eller ring 57 72 78 00. Bruk priskode JAZZ! 





Årets program/artistar:


Torsdag 13. oktober

20.00 «Tjuvstart» med Hilde Marie Holsen
         Løa på Jølstraholmen
         Bill. 200/150/50

Fredag 14. oktober

20.00 Opning ved leiar i Norsk jazzforum, Gry Bråtømyr
20.15 Opningskonsert
         «Grieg, Tveitt & I» Dag Arnesen trio med strykarar frå Florø kulturskule
          Thon Hotel Jølster, Skei
          Bill. 350/300/50/JAZZPASS*
22.00  Kari Malmanger Band
          Fjøsen Pub 
          Bill. 250/200/50/JAZZPASS*

Laurdag 15. oktober

10.30  Rundtur i Nicolai Astrup sitt landskap
         Med bil/buss, ca. 2 ½ time **
12.00 Barnejazz
         Good Time Charlie
         Thon Hotel Jølster
         Bill. 100/50/JAZZPASS*
14.00 Kafékonsert med Nalbant (elevar på Firda vgs., Sandane)
         Audhild Vikens vevstove
         GRATIS
20.00 Arild Andersen Trio med Helge Lien
         Thon Hotel Jølster
         Bill. 350/300/50/JAZZPASS*
22.00 Wild Things Run Fast
         Thon Hotel Jølster
         Bill. 300/250/50/JAZZPASS*
 
Søndag 16. oktober

11.00 Gudsteneste med jazzkrydder
         Ålhus kyrkje

 
Når konsertane er slutt, kan ein både fredag og laurdag kveld svinge seg til variert musikk på Thon Hotel Jølster
 
BILLETTAR
Billettprisane skal lesast slik: Vanleg pris / medlems- og studentpris / under 20 år. Barnejazz: vaksne/barn
* JAZZPASS
Gjeld alle konsertane unnateke «Tjuvstart». Pris: 800/600/200.

Førehandssal av billettar/jazzpass hos TicketCo, www.ticketco.no. Elles i døra.
 
** ASTRUP-RUNDTUR
For dei som vil ha litt avveksling i løpet av helga, tilbyr Jølster jazzklubb også i år ein rundtur i kunstnaren Nikolai Astrup sitt rike, med besøk til stadane som var viktige i livet hans: Ålhus, Sunde, Myklebust og Sandalstrand. Turen går med bil/buss frå Thon Hotel Jølster laurdag kl. 10.30 og er tilbake ca. kl. 13.00. 

MAT/OVERNATTING   
Spesielle jazzprisar på overnatting og måltid på Thon Hotel Jølster, Skei! For rombestilling: jolster.booking@thonhotels.no. Bruk priskode JAZZ! 




Torsdag 13. oktober kl. 20.00 «Tjuvstart»! I Løa på Jølstraholmen
 
HILDE MARIE HOLSEN


frå Jølster kjem til årets Jazz på Jølst for å spele på heimebane. Ho spelar trompet og utforskar samspelet mellom trompet og elektronikk i improviserte lydlandskap. Her står dei akustiske og elektroniske lydane i kontrast til kvarandre, med melankolske klangar og melodiske tema. Musikken kan opplevast både var, skjør og litt skakk, men også kraftig og dynamisk.

Våren 2015 sleppte Holsen debutalbumet Ask på plateselskapet Hubro. Det har vekt mykje merksemd i internasjonal musikkpresse – med kritikkar  frå mellom anna The Guardian, The Wire og The Quietus. Plata vart òg nemnd som eitt av høgdepunkta frå 2015 i «Jazzklubben» på NRK P2. 

I løpet av året spelte ho mellom anna på festivalane Only Connect, Punkt og Ultima, og turnerte i Europa med konsertar i m.a. Italia, Storbritannia, Luxembourg og Tyskland. 






Fredag 14. oktober kl. 20.00 Opningskonsert «Grieg, Tveitt & I»
Thon Hotel Jølster

DAG ARNESEN TRIO - med lokale strykarar

DAG ARNESEN TRIO kjem til Jølster med konserten kalla «Grieg, Tveit & I». Ved flygelet sit han som med tre album kledde sine barnlege Grieg-minne i jazzdrakt og la folk for sine føter.

Grooven er der frå første tone, og rytmeseksjonen er forsterka med fire strykarar i nydeleg arrangement. Truleg får vi høyre både «Morgenstemning», Grieg-songen over alle, «Våren», og «Håvard Hedde», for dette høvet i lett sambatakt. 

Om bruken av ein strykekvartett attåt bass og trommer seier Arnesen at det er noko han har drøymt om lenge. 



Dag Arnesen - piano
Ole Marius Sandberg - bass
Ivar Thormodsæter - trommer 




Strykarar frå Flora kulturskule:
Anna Michalska – fiolin (lærar)
Natasha Vidacic (Bergen) – fiolin
Sanja Dukanac – cello (lærar)
Rønnaug O.I. Moen – bratsj









Fredag 14. oktober kl. 22.00 på Fjøsen Pub, Skei

KARI MALMANGER BAND 


Kari Malmanger bur i Sogndalsdalen og er mest kjend som folkemusikar. Kari er kvedar i A-klassen og gav i 2012 ut plata «No soli bakom blåe fjell» med folketonar frå Rosendal, Hardanger og Sogn. 

Kari Malmanger band er eit relativt nytt prosjekt, der ho presenterer ein del eigenkomponert musikk, men også gamle jazz standardlåtar som ho har skrive  nynorske tekstar til. Med seg har ho tre svært stødige jazzmusikarar som skaper ein perfekt balanse av kjensler, harmoni og spenning. Når dei kjem saman, oppstår det musikk som kombinerer jazz og folkemusikk på ein lyttarvenleg, til tider humoristisk og i alle fall stemningsfull måte.
 
Kari Malmanger – vokal
Bjarne Øymyr – piano
Alexander Grieg – bass
Stian Villanger – trommer



Laurdag 15. oktober kl. 12.00 Barnejazz på Thon Hotel Jølster 

GOOD TIME CHARLIE


Har du nokon gong fått Kjøpedilla, møtt ein Rotekonge, eller vore Forelska utan å vete om det? Tekstane på Good Time Charlies andre barneplate, «Jubel og Skrubbsår», er på vestlandsdialekt og songane er lette å synge med på. Her fins både positivt innhald, mykje humor, dans og fri fantasi.

Musikken er i kjent GTC stil – energisk «rhythm and blues». Good Time Charlie har stort engasjement for bluesmusikk, og med konsertkonseptet Draumeblues har dei truffe innertiar i det å spele blues for barn. Bandet har lenge vore aktive med å spreie blå musikk til eit yngre publikum, og gav i 2013 ut Noregs første bluesbaserte barneplate «Draumeblues og blåsus», som vart kritikarrost og svært godt motteke.

Draumeblues er gøy for barn i alle aldrar, og bandet har ein unik evne til å skape god og kreativ kontakt med publikum.

Arle Hjelmeland – song og munnspel
Steinar Karlsen – gitar og song
Einar Olsson – trommer og song
Morten Skage – bass og song 




Laurdag 15. oktober kl. 14.00 
Gratis kafékonsert på Audhild Vikens Vevstove på Skei

NALBANT

Bandet  Nalbant er sett saman spesielt for denne konserten, og musikarane kjem frå Førde, Florø og Sandane. Det dei har felles er at dei går ilag i tredje klasse på musikklinja ved Firda vgs. 

Ungdomane i Nalbant har bakgrunn frå ulike sjangrar: metal, pop, rock og jazz, og gler seg til å utforske samspelet til denne konserten.

Bartek Galek - bass
Vebjørn Leite Olsen - saksofon
Kristian Olsen - trommer
Håvard Husevåg - keys og vokal
Peter Kollstrøm Heilevang - gitar





Laurdag 15. oktober kl. 20.00 på Thon Hotel Jølster

ARILD ANDERSEN TRIO MED HELGE LIEN

 
Ein av uvanlegaste og mest interessante og jazztrioane  som har dukka opp dei siste ti åra, er det internasjonale samarbeidet mellom meisterbassist Arild Andersen, den skotske saksofonisten Tommy Smith og «vår eigen» italienske perkusjonist Paolo Vinaccia. 

Andersen danna trioen i 2007 med det klare målet å bryte ny mark i moderne jazz, og responsen lét ikkje vente på seg. Trioen blei fort kjend for å opptre med forbløffande kraft, presisjon og dynamikk og er no utvida med meisterpianist Helge Lien.

Arild Andersen - bass
Tommy Smith - saksofon
Paolo Vinaccia - perkusjon
Helge Lien - piano




Laurdag 15. oktober kl. 22.00 Thon Hotel Jølster

WILD THINGS RUN FAST

I 2013 fylte Joni Michell 70 år. Same året bestemte vokalist Siril Malmedal Hauge seg for å setje saman eit band som kunne spele dei vakre låtane til Joni. 

Saman med musikarar frå jazzlinjene i Trondheim og Oslo har ho plukka ut ei handfull låtar som dei spelar både i ny og gammal drakt. Mitchells musikk er ei blanding av folk, pop og jazz med fantastiske tekstar. Konserten bør glede både dei som har høyrt musikken før, og dei som ikkje har det – enno.

Siril Malmedal Hauge - vokal
Martin Myhre Olsen - saksofon
Torgeir Hovden Standal - gitar
Kjetil André Mulelid - piano
Martin Morland - bass
Henrik Lødøen - trommer

(Psst...du kan høyre demolåta Chelsea Morning ved å klikke på biletet over.)




Søndag 16. oktober kl. 11.00 
Gudsteneste med jazzkrydder i Ålhus kyrkje 

Gjest: ??? :)







-----------------------------------


LYST TIL Å JOBBE SOM FRIVILLIG FOR 
JØLSTER JAZZKLUBB? 

Jølster jazzklubb har alltid bruk for nokre frivillige som kan hjelpe til med ein 
del oppgåver, både administrativt og praktisk. Som takk tilbyr vi flotte musikkopplevingar (sjølvsagt gratis når du har jobba), eit supert miljø og entusiastiske ”medarbeidarar”. Er du interessert? Det beste er om du svarer pr. e-post tilbake til 
leiar Marit Hartvedt (mart@mkh.no) og fortel kva du kan tenke deg å hjelpe til med. Sprei gjerne ordet, ein treng ikkje vere medlem av jazzklubben for å jobbe som frivillig. 

Vi håpar å høyre frå mange gode hjelparar, kvar hand og kvart hovud tel. 







Billettavtale med TicketCo

Jølster jazzklubb inngikk i 2014 avtale med billettselskapet TicketCo. TicketCo er ein etter måten ny aktør i den norske billettmarknaden. I løpet av kort tid har dei klart å posisjonere seg som den fremste utfordraren til marknadsleiande Billettservice.  

Sjå etter denne logoen (trykk for å gå til sida): 


 






Våre heilårlege støttespelarar:



Styret i Jølster Jazzklubb for 2016 

Leiar: Marit Hartvedt 
Nestleiar: Halvar Helgheim 
Kasserar: Arne Per Huus
Skrivar: Hilde Hegrenes
Styremedlem: Atle Reidar Sandnes
1. vara: Magnus Håheim
2. vara: Silja Juklestad
 

Website Builder drives av  Vistaprint